Да 125-годдзя з дня нараджэння народнага пісьменніка Беларусі Міхася Лынькова

 Да 125-годдзя з дня нараджэння народнага пісьменніка Беларусі Міхася Лынькова, а таксама ў мэтах папулярызацыі беларускай класічнай літаратуры ў  бібліятэцы ДУА "Сярэдняя школа №2 г.Талачына імя М.П. Лугоўскага"прайшла літаратурная гадзіна "Шчырае сэрца Міхася Лынькова". Мерапрыемства пачалося праглядам дакументальнага часопіса, потым вядучыя Сенін Дзяніс і Хірэвіч Ягор пазнаемілі вучняў шостых класаў з жыццем і творчасцю пісьменніка. Ў выкананні чытальнікаў Кудян Вікторыі, Паўлоўскай Кіры і Заблоцкага Данііла дзеці паслухалi ўрыўкі з твораў МІхася Ціханавіча Лынькова. Настаўнікі, вучні і іх бацькі з захапленнем прынялі ўдзел у гучным чытанні аповесці “Міколка - паравоз”. На прыканцы сустрэчы загадчык бібліятэкі Дзямешка Н.М. пазнаеміла прысутных з кніжнай выставай “Міхась Лынькоў: на скрыжаванні падзей і вякоў”. У цёплай, амаль сямейнай абстаноўцы прайшла гэтая незабыўная сустрэча з добрай кнігай!